Student Presentation
by Jandir Oliveira
Annual Amilcar Cabral/Martin Luther King, Jr. Conference
"The Road to Freedom"
Culture as a Means of Resistance
A Conference and Cultural Event
Monday, January 18th, 1999
UMass Boston, Healey Library
Ilustres convidados,
Em primer lugar um cria agradece ess honrose convite d'apresenta frente de tao ilustre audiencia ess comunicacao sobre Amilcar Cabral, na mas uma homenaja de vigesim sext aniversario de se morte.
Kond me foi pedid ess comunicacao foi me delineod o aspect cultural e da juventude na ponte d'vista d' Amilcar Cabral e e nes parametre k'embora mi nao send expert ness materia, um ta propo a honra.
Fala d' Amilcar Cabral ta pressupo um metod d' analise bastante estruturod e complex, na medida en ke fala d' Cabral ta significa fala d'um dos maiores figuras d' pensament global na dominio d' ciencia politica e cultura. Fala dess lider ta implica um orgulhe epistimologico profund na nocao de cultura como arma de resistencia, de libertacao e de politica como variavel progressista d'afirmacao de tcheu cosa.
No entant no ta pergunta: o ke Cabral tem a ver com es temps k'no ti ta vive, em ke milenio ti ta muda e em ke mund ti ta torna global?
Ainda no ta pergunta: kuale e interess d' aborda Amilcar cabral pa nos juventude caboverdiana residente li na Merca e a kemim d' one 2000?
Nao foi sem algum dilema ke kuand um debruca ta pesquisa os padroes d' pensament d' Amilcar Cabral, um procura cria um ligacao entre Cabral, temp, espace, e ess publik jovem no qual um ti ta procura alcanca. Tambe nao foi sem mut espont k'um descobri ke pensament estruturod d' Cabral ta enkuadra diretamente a ess mument e a ess publik.
Tambe um cria k'ess comunicacao ta servi come um alerta pa tud jovens caboverdianos principalmente akes ke por mutives varios e vitimas de varios problemas sociais come droga, alcoolismo, violencia, come e o caso dakes 19 jovens caboverdianos ke ness moment e alvo das autoridades mercanas.
Perspectiva Amilcar Cabral ta subentende perspectiva luta de libertacao Nacional na quadre de descolonizacao d' kes pais africane d' expressao oficial portuguesa, particularmente Guine e Cabo Verde. E e na ambito de luta de libertacao ke Cabral estrutura um ideologia de libertacao basiod na luta armada como acto de cultura.
Ta parce paradoxal "guerra e kultura", ma Amilcar Cabral sube teoriza acerca d' resisitencia cultural como essencia mas descolonizante de postura dakes pove em libertacao. Falonde em otes terms um cre dze ke Amilcar Cabral desenha akel afrontament a Colonialism come um act permanente de procura d'identidade nacional, e um acte gradual d' assimilacao e valorizacao de nos prop Kultura. Nao foi sem razao k' Amilcar CAbral faze um profund apanhod historic-antropologic de povos de Guine e Cabe Verde listande tud kis aspects de kultura mas definidores d' ses identidade, moda sis lingua, sis tradicao, sis arte e sis moda d' vive.
Ess pensament vectorizod na resistencia cultural pode perfeitament ser transportod pa realidade ke nos, jovens caboverdianos ta vive ness lugar e ness moment. Ultrapassod a era colonial e fascista, um grand avonce tem-se dod a nivel da nacao caboverdiana no tocante a afirmacao d' identidade e tambe na afirmacao d' soberania. Ma no entant tonte aoje come antes no ta depara ke situacoes d' imperialism e alienacao kultural tonte na Cabe Verde come na diaspora. Na case particular d' Estados Unidos, nos juventude merce de grande peso d'industria kultural mercon, t' incontra particularmente vulneravel nu ke ta dze respeit a assimilacao de valores, alguns dos kuais ate nao caracteristicos de nos identidade. Alias tem sido notorio o numero de jovens ke no conflit d' integracao ta caba na tchmod " Zona d' ninguem" , vulneravel a droga, alcoolisme, criminalidade e insucess n' impreg, kuand nao ta ingrossa lista d' prisoes e deportacoes. Um ta credita ke maior parte desses jovens, no pode dze "dsajustodes" e vitima d' alienacao kultural na medida ke es ca " resisti " deformacao de ses prop identidade, iss na sentid Cabralista do termo.
um dakes grande preocupacao pa afirmacao e resistencia kultural tem a ver com o process educativ ke moda Jean Frainet tava dze " a educacao tonte pode educa come desiduca". Assim ka ta falta exemples d' iducacao ke mesm tentond instrui na arte, ciencia e ideias, ta procura mutila identidade d' educand sem respeite pa se particlaridade multicultural. Na case particular de nos jovens, apesar de tcheu esforces d' introduzi multikulturalism na curriculos escolares, e evidente a educacao d' assimilacao atraves da perda d' kultura d' origem. Tcheu vex mut dakes k'no ta tchma " educods " ta apresenta um visivel castracao d' kultura propia, e um aparente assimilacao d' kultura mercana, com perdao pelo rasgo kritico, da chamada kultura "mainstream".
O Kaboverdiane kuand ta tchga na Merca e portador d' um identidade propria cimentod ha centena d' ones e enraizod na se forma d' vive nas ilhas. Ma konde el ta tchga na Merca el ta konfronta se identidade ke tcheu aspects d'vida d' Merca, e tcheu vex ess embate ca ta da d' forma dialogica, ou seja atraves d' intercambio d' valores kulturais, ma contrariament el ta da d' forma mutilladora, atraves d' perda d'identidade e assimilacao d' valores de sociedade mercana. Ess process d' mascara Branca moda Franz Fannon tava denominal, ta cria um desestruturacao social e psicologica d' tcheu caboverdeanos ta vive ness pais, particularment jovens, ke e kes mas expostos a assimilacao.
Ma no entant ta surgi um kestao: " o ke kno ta faze pa resisti kulturalment? " ou ainda no ta faze ess provocant pergunta: " Sera ke ser caboverdiano ta significa rejeita kultura mercana? " Obviamente k' no ta realca identidade come um valor d' pertenca positiva, integradora e dinamica. Ma tambe no ca deve pensa um caboverdianidade fechod pa munde e em defensiva em relacao a modernidade. Amilcar Cabral tava dze na sis escritos de resistencia kultural ke o importante e avalia sempre e objectivamente o ke necessario preserva na nos kultura e o ke importante d' assimila d' otes kultura. No ta ilustra ess tese k' analise ke Cabral tava faze de preservacao d' nos lingua Nacional e necessidade d' prende portugues. El tava dze mesm ke portugues foi um dakes maior heranca kultural de colonialism. Transferind novamente pa cenario mercone, no ta tem ousadia d' dze ke ness particular moment ta interessa nos preserva e promove nos lingua nacional, ja agora tambe portugues, e prende ingles com um valor necssarie e estrategic. o mesmo ta contece no tocante a artes, ciencias e tecnologia, ke e coisas ke ess pais ta proporciona nos, mas claro sem perde nos tradicao e nos manera d' vive. Alias pa mjor vive ness mosaic multi-etnica e multiracial k' e socidade mercana e pa mjor paricipacao na Democracia, tem k' have um autonomia critica e um identidade kultural prop d' nos. Se no repara, judeu ca ta perde judaism pal pode senti mercon, o pal sinti integrod na merca. O mesm ta contece em relacao a Afro-americanes, latines, chineses e otes comunidades ke ta faze merca.
Ultimamente vem-se notonde um certo tendencia, sobretud nas areas urbanas de Boston, New Bedford, Brockton, e Providence d' um cert guetizacao de juventude caboverdeana devid a kestoes sociais come ilegalidade, desemprego, insucess escolar, violencia e droga. Ess fenomen de guetizacao ke ca ta vitimiza apenas jovens caboverdeanos, ma tambe grande parte de jovens de grupes minoritarios, deve ser encarod come um fenomeno ke ta rekere forte organizacoes civicas e sobretud sentid d' pertenca kultural. Na case particular d' nos jovens caboverdeanos, ti ta torna tao importante come urgente criacao d' organizacoes Associativas Comunitarias na sentid d' desenvolve programas d' promocao dos valores kulturais caboverdianos, de saude publica, d' orientacao d' empregues e de definicao das necessidades da juventude caboverdiana. No ta nota ke maior parte d' caboverdianos ta pertence a roll de trabalhadores e contribuintes d' universs fiscal dakes cidade, embora es ta longe d' obte em paridade kes beneficios e oportunidades sociais ke e oferecids na kes cidades. Naturalmente ke no tem estod ta identifica alguns programas moda educacao bilingue, MAPS, DSNI, e Bowdoin street health center, ma tud iss ke e, claro, importante e extremaente reduzid pa promove em exacta medida as respostas ke demandam os caboverdianos, em particular os jovens.
Finalmente no cria alerta ke o exemple d' Amilcar Cabral deve ser colocod em perspectiva e re-elaborod a partir de nos vivencia num munde a camim d' tercer milenio, cujo oportunidades ta apresenta mjor do ke akes sobe colonialisme portugues, embora nem por iss imunes d' marginalizacao e d' alienacao. Dai ke no ta exorta a todes o aprofundament d' pensament de Amilcar Cabral no tocante a kultura como factor de resistencia e variavel d' desenvoviment. Ess espace ke nos foi dod pa concebe ess comunicacao e limitod em termes de tempo, de mode ke n' ne nos possivel aprofunda e detalha alguns dakes preocupacoes aki levantods. Entretant no ta permiti debate e responde kestoes ligodes a ess materia, porque e d' nos profund conviccao de ke ideal Cabralista de Resistencia cultural e ainda, li e agora o ideario fundamental pa afirmacao de nos juventude ness poderose e interessante sociedade.
Muit Obrigade,