Un dia, Nho Lobu y se sobrinhu, Tubinhu,
staba ta pranta mandioka di juntu.
Nho Lobo gosta di kume mandioka,
ma el ka gosta di trabadja.

Nho Lobu ngana Tubinhu y el kume tudu
kel mandioka el só na un dia.

Tubinhu fika ku raiba. Nton, dos dia dispos,
el pasa pa ká Nho Lobu
ku un korda grandi na mon.
El fra: "Nho Lobu, un tenporal grandi sta ben
ki sta ba mata tudu
kuza ki ka sta maradu."

Nho Lobo fra-l: "Mara-m primeru!"
Nton, Tubinhu mara-l n'un arvi grandi.
El dixa-l la pa un monti tenpu.

Un makaku staba na kel figera.
Nho Lobu fra-l:
"Bota-m un figu, makaku, N tené fómi."
Kel makaku bota un figu na bóka di Nho Lobu.

Nho Lobu pidi-l:
"Dismara-m, makaku, dismara-m."
Nton, makaku sinti péna di Nho Lobu
y el dismara-l.

Kantu kel makaku dismara-l,
Nho Lobu pega-l na se rabu
y el puxa-l.
Kel makaku fika ta grita.

Tubinhu staba pértu pa la.
El obi kel makaku ta grita.
El txoma, "Oh Nho Lobu,
nho sabe midjor manera pa nho
kume kel makaku? Nho mara-l se pé di juntu
y nho bota-l pa riba
El ta kai dentu bóka di nho."
Nton, Nho Lobu mara-l
y el bota-l pa riba.

Kantu kel makaku kai,
el ku Tubinhu kóre.
Nho Lobu fika la tudu dia
ku se bóka abértu...
ta spéra pa makaku kai dentu bóka.

One day, Nho Lobu and his nephew, Tubinhu,
were planting manioc together.
Nho Lobu liked eating manioc,
but he didn't like working.

Nho Lobu tricked Tubinhu and he ate all
of the manioc himself in one day.

Tubinhu was angry. So, two days later,
he went by Nho Lobu's house
with a long cord in his hand.
He said, "Nho Lobu, a big storm is coming
and it is going to kill everything
that is not tied down."

Nho Lobu said, "Tie me first!"
So, Tubinhu tied Nho Lobu to a big tree.
He left him there for a long time.

A monkey was in the fig tree.
Nho Lobu said,
"Throw me a fig, monkey, I'm hungry."
The monkey threw a fig in Nho Lobu's mouth.

Nho Lobu begged him,
"Untie me, monkey, untie me."
So, the monkey felt sorry for Nho Lobu
and he untied him.

When the monkey untied him,
Nho Lobu grabbed the monkey by his tail
and pulled him.
The monkey started screaming.

Tubinhu was nearby.
He heard the monkey screaming.
He called out, "Oh, Nho Lobu,
do you know the best way
to eat that monkey? Tie his feet together
and throw him up in the air.
He'll fall right into your mouth."
So, Nho Lobu tied the monkey's feet together
and threw him in the air.

When the monkey fell down,
he and Tubinhu ran away.
Nho Lobu stayed there the whole day
with his mouth wide open...
waiting for the monkey to fall into his mouth.